छत्तीसगढ़ी सर्वनाम | छत्तीसगढ़ी व्याकरण | Chhattisgarhi Pronoun Chhattisgarhi Grammar

सर्वनाम हिंदी में - वह शब्द जो संज्ञा के बदले में आए उसे सर्वनाम कहते हैं। जैसे - मैं, तुम, हम, वह, आप, उसका, उसकी आदि। यह संज्ञा के स्थान पर आता है। संज्ञा और संज्ञा वाक्यांशों को आम तौर पर वह, यह, उसका और इसका जैसे सर्वनाम द्वारा प्रतिस्थापित कर सकते हैं, ताकि दोहराव या सुस्पष्ट पहचान के परिहार, या अन्य किसी कारण से।

सर्वनाम छत्तीसगढ़ी म - संगिया के बदला या ओखर जगा मा जउन सब्द के उपयोग करे जाथे वोला 'सर्वनाम' केहे जाथे। संगिया के बेरी बेरी उपयोग नइ करके वोकर जगा जउन सब्द के उपयोग करे जाथे बोला 'सर्वनाम' कथे।

उदहारन -

1. मे किताब पढ़ डरेंव।

2. वो हा पढ़तेच हे।

3. ते काबर इहाँ बइठे हस।

ऊपर के बाक्य मा में, वो, ते, सब्द मन कोनो - न - कोनो संगिया के बदला आए हे, तेकर सेती वो जम्मो सब्द (तें, में, वो) मन सर्वनाम आय।

सर्वनाम के परकार -

छत्तीसगढ़ी मा हिन्दी जइसे कुल गियारा सर्वनाम होथे में, ते, वो, ये, जे, कते, कोन, कोनो, अपन, कुछु, अउ का।

परयोग के अधार मा सर्वनाम के सात परकार होथे -

1. पुरुस बाचक 

2. निज बाचक

3. सम्बन्ध बाचक

4. अनिस्चे बाचक

5. निस्चे बाचक

6. परस्न बाचक

7. संयुक्त सर्वनाम

1. पुरुस बाचक सर्वनाम -

जउन सर्वनाम ले, गोठियइया, सुनइया अउ जेकर बारे मा गोठियाए जात हे तेकर गियान होथे वोला 'पुरुस बाचक सर्वनाम' केहे जाथे। मनखे मन के नाँव के बदला अवइया सब्द ला पुरुस बाचक सर्वनाम केहे जाथे। इँकर रूप बिकारी अउ अबिकारी दुनों होथे।

उदहारन -

ओकर संग नाचा देखे ला ते अउ में जाबोन 

(जेकर बारे मा बात होत हे) (सुनइया) (बोलइया) 

काम के अधार मा पुरुस बाचक सर्वनाम के तिन भेद होथे -

A. उत्तम पुरुस 

B. मध्यम पुरुस 

C. अन्य पुरुस 

A. उत्तम पुरुस - येमा लिखइया अउ गोठियइया मन आथे।

उदाहरन - में, मँय, हमन।

परयोग -

1. में बजार जाहूँ।

2. मँय तोला नइ चिन्हंव।

3. हमन बरात जाबो।

4. में खाहूं।

5. मँय जाहूं।

6. हमन जाबो।

B. मध्यम पुरुस - येमा पढ़इया अउ सुनइया मन आथे।

उदाहरन - ते, तुमन।

परयोग -

1. ते सत बात काहत हस।

2. तुमन भात खाहु का।

3. तुमन ला सरम न।

4. इ आय।

5. ते घर जाबे।

C. अन्य पुरूस - येमा लिखइया, गोठियइया, पढ़इया अउ सुनइया मन ला छोड़ के आने मनखे मन आथे, अर्थात् जेकर बारे मा कुछु केहे जाथे वोला अन्य पुरूस केहे जाथे।

उदाहरन - ओ, ओमन।

परयोग -

1. ओ निच्चट अल्लरहा ताय।

2. ओमन काली आही।

3. ओ तो जावत हे।

4. ओमन घर चल दिस।

2. निज बाचक सर्वनाम -

अपन बर जउन सब्द के उपयोग करे जाथे वो सब्द ला 'निज बाचक सर्वनाम' केहे जाथे।

जइसे - अपन, सियम अउ खुद।

परयोग -

1. अपन बारे मा कुछु बता।

2. सियम करबे ता जानबे।

3. खुद देखबे ता जानबे।

4. अपन ला का करना।

3. संबंध बाचक सर्वनाम -

जेकर ले आपसी संबंध के गियान होथे वो सर्वनाम ला 'संबंध बाचक सर्वनाम' केहे जाथे। अइसन सर्वनाम वाले बाक्य ला आसरित बाक्य ले जोड़े जाथे।

जइसे - जेकर, जउन। 

परयोग -

1. वो कोने जेकर घर जावत हन।

2. दरद ला उही जान सकथे जउन कांटा गड़े है।

4. निस्चे बाचक सर्वनाम -

जउन सब्द ले कोनो जिनिस के लट्ठा नइते दुरिहा होय के गियान होथे, वोला 'निस्चे बाचक सर्वनाम' केहे जाथे।

जइसे - ये, वो, एकर, वोकर। 

परयोग -

1. ये टुरा बिलवा है।

2. वो टूरी पँडरी है।

3. एकर आंसो बिहाव होही।

4. वोकर आज लईका होईस है।

5. वोकर बाते अलग है।

6. एकर का कहबे।

7. वो देख गाय चरत हे।

8. ये दे दुकान है।

5. अनिस्चे बाचक सर्वनाम -

जेकर ले कोनो निस्चित मनखे नइते जिनिस के गियान नइ होय वो सब्द ला 'अनिस्चे बाचक सर्वनाम' केहे जाथे।

जइसे - कोनो, कुछु, काकर।

परयोग -

1. कोनो ला जानथस का।

2. कुछु बता अपन बारे मा काकर मउत आय हे।

3. काकर छेरी चरत है।

4. ए टुरा के कुछू बुता नइ है।

6. परस्न बाचक सर्वनाम -

जउन सब्द ले परस्न करे के गियान होथे वोला 'परस्न बाचक सर्वनाम' केहे जाथे।

जइसे- कोन, कते, कतिक।

परयोग -

1. कोन बजार जाही? 

2. कते कन आमा हे? 

3. कतिक मनखे आय हे? 

4. कोन मारिस हे? 

5. कते टुरा मारिस हे? 

6. कतिक झन मारिस हे?

7. संयुक्त बाचक सर्वनाम -

जउन सर्वनाम के रूप दू नइते दू ले जादा सब्द मन के जुड़े ले बनथे वोला 'संयुक्त बाचक सर्वनाम' केहे जाथे। एमा सब्द संखिया दू ले जादा होय के सेती ऊपर बताय जम्मो सर्वनाम ले येला अलग माने जाथे।

जइसे - हर कोनो, अउ कोनो, कुछ - न - कुछ, जउन - जउन, काकरो अउ।

परयोग -

1. हर कोनो बोलत रहिन तोर बारे मा।

2. अउ कोनो नइ मिलिस तोला, मही ला मुरूख बनात हस।

3. कुछ - न - कुछ बात जरूर हे तभे मुचमुचावत हे।

4. जउन - जउन ला जाना हे, तेन मन जल्दी आहू।

सर्वनाम के रूपांतरन (लिंग, बचन अउ कारक) -

छत्तिसगढ़ी मा सर्वनाम के रूपांतरन लिंग, बचन अउ कारक के अनसार अइसन ढंगले देखे ला मिलथे -

1. पुरुस, बचन अउ कारक के अनसार सर्वनाम के रूपांतरन तो होथे फेर लिंग के अनसार नइ होय।

जइसे उदहारन -

पुल्लिग	स्तिरीलिंग
वो नहा डरिस	वो नहा डरिस
वो खा डरिस	वो खा डरिस
वो चलदिस	वो चलदिस

2. संगिया जइसे सर्वनाम के घलो दू बचन होथे एकवचन अउ बहुबचन।

जइसे उदहारन -

एकबचन	बहुवचन
में	हमन
ते	तुमन
वो	वोमन

3. आदर सूचक एकवचन मध्यम पुरुस अउ अन्य पुरुस मा सर्वनाम के रूप बहुबचन कस होथे। 

जइसे उदहारन -

पुरुष	एकबचन	बहुवचन
मध्यम	तुमन जाहू	वोमन जाही
अन्य	तुमन जाहू	वोमन जाही

4. कारक मन के विभक्ती लगे ले सर्वनाम के रूप तिनो पुरुस मा बिकरित (विकृत) हो जथे।

जइसे उदहारन -

पुरुष	मूल सर्वनाम	बिकरित रूप
उत्तम	मे	मेहा, मोला, मोर, मोर ले, मोर ला, मोर मा, मोर बर
मध्यम	ते	तेहा, तोला, तोर, तोर ले, तोर ला, तोर मा, तोर बर
अन्य	वो	वोहा, वोला, वोकर, वोकर ले, वोकर ला, वोकर मा, वोकर बार

सर्वनाम के कारक रचना मे (उत्तम पुरुष)

कारक

करता

करम

करन

सपरदान

अपादान

संबंध

अधिकरन

एकबचन

मे, मेहा

मोला

मोर ला

मोर बर

मोर ले

मोर, मोरे

मोर मा

बहुबचन

हमन, हमन हा

हमन ला

हमर ले

हमर मन बर

हमर मन ले

हमर, हमरे, हमर मन के

हमर मा

ते (मध्यम पुरुस) 

कारक

करता

करम

करन

सपरदान

अपादान

संबंध

अधिकरन

एकबचन 

ते, तेहा

तोला

तोर ले

तोर बर

तोर ले

तोर, तोरे

तोर मा

बहुवचन

तुम, तुमन हा

तुमन ला, तुहँर ला

तुमन ले, तुहँर ले

तुमन बर, तुहँर बर

तुमन ले, तुहँर ले

तुहँरे, तुहँर

तुमन मा, तुहँर मा

वो (अन्य पुरुस) 

कारक

करता

करम

करन

सपरदान

अपादान

संबंध

अधिकरन

एकबचन

वो, वोहा

वोला

वोकर ले

वोकर बर

वोकर ले

वोकर, वोकरे

वोकर मा

बहुबचन

वोमन, वोमन हा

वोमन ला

वोमन ले, वोकर मन ले

वोकर मन बर

वोकर मन ले

वोकर मन, वोकरे मन

वोकर मन मा

तुहँर (आदर सूचक) 

कारक 

करता

करम

करन

सपरदान

अपादान

संबंध

अधिकरन

एकबचन

तुहँर हा, तुहँर

तुहँर ला

तुहँर ले

तुँहर बर

तुहँर ले

तुहँर, तुहँरे

तुहँर मा

बहुबचन

तुहँर मन, तुहँर मन हा

तुहँर मन ला

तुहँर मन ले

तुहँर मन बर

तुहँर मन ले

तुहँर मन, तुहरे मन

तुहँर मन मा

इन्हें भी पढ़ें -

• छत्तीसगढ़ी अव्यय

• छत्तीसगढ़ी वचन

• छत्तीसगढ़ी अनेकार्थी शब्द